SPAZIO FAMIGLIA

Su Plus Ilartzi-Bosa Sub-ambito 1, at aprontadu Spazio Famiglia, unu servìtziu de consulèntzia, agiudu e orientamentu pro sas famìlias.

S'iscuadra de traballu de Spazio Famiglia: Assistente sotziale, Psicòlogu, Mediadore familiare, Consulente legale e Operadore Ispàtziu nèutru traballat paris a sos servìtzios, sas iscolas, sos assòtzios e sas risorsa de su territòriu.

Su servìtziu est gratis e oferit atividades de preventzione:

- initziativas de informatzione e sensibilizatzione a favore de sas famìlias cun sa punna de promòvere sa cultura de s'iscurtare a pare;

- Momentos de cunfrontu cun grupos de genitores e/o fìgios in contu de sos bisòngios educativos;

- atividades paris cun sos assòtzios, grupos, Comunes, Iscolas, ASL5 pro programmare e fàghere atziones utilosas pro bisòngios educativos pretzisos.

Interventos ispetzialìsticos:

- Segretariadu sotziale:

- Sustegnu psicològicu

- Sustennu genitoriale

- Mediatzione familiare

- Consulèntzia legale

- Ispàtziu nèutru

Sas sedes de su servìtziu sunt in Ilartzi

- in s'ex Comunidade allògiu in sa carrera Padre Sotgiu 9;

- in su Consultòriu Familiare ASL5 in sas carrera Santa Lughia.

Pro usufruire de su servìtziu tocat a telefonare a su nùmeru 342.323981, su lunis, mèrcuris e chenàbura dae sas 10.00 a sas 14.00 o mandare una rechesta a custu indiritzu de posta eletrònica spaziofamiglia.plusghilarza@koinoscoop.it