Sos Comunes de

Abbasanta, Ilartzi e Norghiddo

paris cun sas ludotecas de

Abbasanta, Ilartzi e Norghiddo

e sa Cooperativa Sotziale A.D.A.

ant cuncordadu

'e...stiamoinsieme2016'

Atividades de giogos, laboratòrios pro sos pipios chi tenent dae sos 3 a sos 11 annos (pipios chi dae su mese de cabudanni 2015 ant frecuentadu sa classe 1° de s'iscola de s'infàntzia, fintzas a sos pipios chi ant frecuentadu sa cuinta de s'iscola primària).

S'atividade pro sos pipios de s'iscola primaria at a incomintzare su 20 de làmpadas, pro sos pipios de s'Iscola de s'Infàntzia lunis 04 de trìulas; pro totus at a acabbare su 9 de cabudanni.

S'oràriu de s'atividade est - dae su lunis a sa chenàbura - dae sas noe a sa una (h. 09.00-13.00)

Solu pro sos pipios chi tenent su babbu e sa mama chi traballant est prevididu de ddos tènnere, sentza fàghere atividades, in custu oràriu: 8.30 - 9.00 13.00 - 13.30.

A pustis de sas 09.30 sos pipios no ant a pòdere intrare.

S'11, 12 e 15 de trìulas 2016, in ocasione de sas festas de Santu Prameri e de Santa Julita, su servìtziu at a abarrare serradu.

S'at a firmare fintzas dae su 15 a su 28 de austu 2016 e at a torrare a incomintzare su 29 de austu (lunis).

Su 9 de cabudanni, est una chenàbura, (non s'ischit ancora a ite ora) at a èssere s'ùrtima die e ant a èssere invitados sos babbos e sas mamas.

Cuota de iscritzione:

• 90,00 € pro totu su perìodu,
• 70,00 € dae su segundu fìgiu - pro totu su perìodu,
• 11,00 € a sa chida (sa de 4 chidas 5,00 €),

Su Servìtziu Sotziale de su Comune de apartenèntzia) at a pòdere valutare situatziones particulares.

Informatziones utilosas:

Sos pipios

• si depent bestire a manera còmoda, depent pònnere iscarpas serradas,
• ogni die depent portare abba e carchi cosa de papare a intro de mangianu,
• depent portare unu càmbiu (cando serbit, depent portare costùmene e asciugamanu de mare, crema solare e tzabateddas chi non ddos fatzant istrasinare).