Vai a sottomenu e altri contenuti

iscritziones asilu

UNIONE DE SOS COMUNES DE SU GUILCIER
PROVÌNTZIA DE ARISTANIS
(Abbasanta-Aidumajore-Boroneddu-Ilartzi, Norghiddo, Paule, Sèdilo, Soddie, Tadasune)
ISCRITZIONES A S'ASILU
pro pitzinnos finas a sos tres annos - ANNU 2014/2015

S'Unione de sos Comunes de su Guilcier, cun sede in Ilartzi, faghet ischire chi sunt abertas sas iscritziones a s'Asilu (cabudanni 2014 - trìulas 2015) pro pitzinnos dae sos tres meses a sos tres annos. Sas domandas de iscritzione, con totus sos paperis preguntados, cherent presentadas a sos ufìtzios de sos servìtzios sotziales de sos Comunes de residèntzia intro e non prus a tardu de su 15 de LÀMPADAS DE SU 2014.
Cando sos babbos e sas mammas nch'iscrient a sos fizos, podent finas isseberare s'oràriu chi ddis andat menzus: totu sa die (dae sas 7.45 a sas 15.30), a manzanu ebbia (dae sas 7.45 a sas 13 15) o totu sa die pro tres bortas a sa chida.
Sos mòdulos si nde podent retirare in sos Ufìtzios de sos Servìtzios sotziales in sas dies e in sos oràrios inditados in suta o si nche podent iscarrigare dae sos sitos internet de sos comunes chi faghent parte de s'Unione de sos Comunes de su Guilcier.

Abbasanta
Lunis e mèrcuris
10.00-13.00
Paule
Lunis, 11.00 - 13.00 / 15.30 - 17.00
mèrcuris e chenàbura 11.00 - 13.00 Ilartzi
lunis e 10.00-13.00 15.30-17.30
chenàbura 10.00-13.00
Norghiddo
Lunis e chenàbura 11.00-13.00
Mèrcuris 15.30-17.30 Soddie
Lunedì 10.00-11.00 16.00-18.00
Tadasune
Dal lunedì al venerdì 10.00-13.00

Aidumajore
Dae su lunis a sa chenàbura 11.00-13.00 Boroneddu
Mercuris 15.00 - 18.00
Sèdilo
Martis e giòbia 10.00 - 12.00


Dende cara a totus sas domandas arribadas, una cummissione a posta, numenada dae su responsàbile de su servìtziu, at a aprontare una prima graduatòria de sos pitzinnos amìtidos chi at a èssere publicada in sa sede (Ponte, 1 - Boroneddu) e in s'albu pretòriou de onni comune intro de su 31 de làmpadas de ocannu.
Sa graduatòria benit fata segundu critèrios e puntos inditados in su regulamentu de su servìtziu.
Dae sa die a pustis a cussa de sa publicatzione de sa graduatòria e pro deghe dies sos interessados ant a pòdere faghere reclamos e osservatziones a su responsàbile de su Servìtziu chi, a pustis àere leadu in manu totu, at a aprovare e publicare sa graduatòria definitiva.
Chie tenet deretu a su servìtziu devet cunfirmare de ddu chèrrere pro iscritu. Si non ddu faghet, est comente chi apat renuntziadu.
PRO ND'ISCHIRE DE PRUS, PREGUNTARE A SOS OPERADORES SOTZIALES DE SOS COMUNES DE RESIDÈNTZIA.

Su Responsàbile de de su Servìtziu
F.to Leonardo Depani

torna all'inizio del contenuto
torna all'inizio del contenuto