Vai a sottomenu e altri contenuti

TRICHINELLA

TRICHINELLA
Su male cuadu

Trichi ITE

Sa trichinellosi est una maladia chi sos animales apitzigant a s'òmine cun sa cosa de papare.
Sa neghe est de unu parassita, sa trichinella, chi est unu berme chi portat forma de tzilindru, gasi piticu chi s'ogru de s'òmine non ddu podet bìdere. Sas larvas nche podent intrare in sas istintinas e finas in sos mùscolos.

Sa maladia faghet a cagaredda, dolores a sos mùscolos, debilesa, ufrore a sos ogros e calentura. De trichinellosi si podet finas mòrrere.


Trichi COMENTE

Si podent immaladiare animales comente porcos, matzones o sirbones.
Apitzigat a s'òmine cando papat sa petza crua o pagu cota. Ma ddi podet bènnere finas cun sos derivados comente prosciutu, sartitza e sìmbiles.
Pro distrùere sas larvas de sa
trichinella b'at una manera ebbia: tocat a còghere bene sa petza.
A pònnere sa petza in sale, a dda sicare o afumare o a nche dda pònnere in su furru, imbetzes,
non serbit a fàghere mòrrere su parassita.
A dda cungelare pro tempus meda, imbetzes, podet serbire ma si si sighint règulas pretzisas ebbia.
Tocat a ischire chi unas cantas ratzas de trichichinella non morint nen mancu a temperaduras bassas meda e chi, a cungelare in domo, no est semper seguru.


Trichi CURA

Si podet immaladiare chie papat petza de sirbone, de porcu iscapu o pesadu in aziendas chi no respetant sas règulas igiènicu sanitàrias e non faghent controllare sa petza dae su veterinàriu in antis e a pustis de sa macellatzione.
Est menzus a non papare petza de porcos chi ant papadu petza infetada e ammentare chi est òbligu a fàghere controllare sos animales cassados.


FAGHE CONTROLLARE SA PETZA E PAPA.DDA SOLU SI SES SEGURU CHI SIAT ISTADA CONTROLLADA

Documenti allegati

Documenti allegati
Titolo  Formato Peso
TRICHINELLA Formato pdf 296 kb
torna all'inizio del contenuto
torna all'inizio del contenuto