Vai a sottomenu e altri contenuti

Tzentru Informazòvanos

Tzentru informazòvanos Informatzitadinu intercomunale. Abbasanta Norghiddo.

S'informazòvanos-informatzitadinu est unu servìtziu chi dat a sos zòvanos un azudu chi ddis permitit de fàghere issèperos cussentziosos pro su tempus benidore. Custu servìtziu dat a totus novas subra setores diferentes comente cussu de sa salude, de sos deretos, de sa solidariedade, de s'isport, de su discansu. Dat finas informatziones subra su traballu, s'istrutzione e sa formatzione permanente. Sas informatziones sunt de cale si siat zenia pro acuntentare a totus e ddis dare sa possibilidade de connòschere cosas noas e de si mezorare pro pòdere intrare in sa vida sotziale cun possibilidades e potentzialidades noas.
S'informatzione est unu mèdiu operativu e su de la trasmìtere rapresentat un'oportunidade educativa. S'informatzione permitit a s'informadore de orientare s'utente e de ddi dare mèdios capatzos de fàghere crèschere sa capatzidade de autonomia e de tzitadinàntzia prena.


Ite faghet su servìtziu informativu
Su servìtziu devet:
 dare una resposta a sas dimandas cun argumentos e materiales craros chi lassent sa pessone lìbera de detzìdere e de fàghere a sa sola;
 dare consulèntzia base pro elaborare o amaniare unu prozetu o fintzas pro risòlvere problemas tècnicos;
 dare orientamentu o azudu tenende contu de sa pessone, de sas potentzialidades suas, de sos interessos e de s'ambiente, a manera chi potzat seberare sa menzus cosa e cumprèndere ite cheret e ddu potzat fàghere cun libertade.


Abertura: 1992

Su servìtziu informazòvanos est nàschidu in Sardigna in su 1992; est de importu non petzi pro sos zòvanos ma pro totu sos tzitadinos. Sos resurtados tentos e su traballu de custos annos ant fatu nàschere su bisonzu de unu servìtziu chi est mudadu in unu servìtziu ''diffuso''. Dae custu bisonzu ant leadu ispuntu sas amministratziones de Abbasanta e Norghiddo pro torrare a abèrrere su servìtziu in forma intercomunale. Sa zestione est istada dada a sa Cooperativa Sociale Studio Onlus e Progetto 2 chi aiat zai sìghidu su servìtziu e chi, respondende a sas dimandas de sas amministratziones comunales, cheret sighire su caminu de animatzione incumentzadu dende a sos zòvanos informatziones e faghende orientamentu subra: istrutzione, formatzione, traballu, cuncursos, viazos, fèrias e àteros servìtzios presentes in sos tres comunes. Dat fintzas informatziones chi pertocant: deretos, cultura, isport e mobilidade zovanile. S'intentu de sas cooperativas e de sas amministratziones est cussu de dare a sos tzitadinos unu puntu de riferimentu de calidade, de promòvere sa crèschida umana, sotziale, mescamente pro sos prus dèbiles; devet finas promòvere s'isvilupu econòmicu de su territòriu e garantire sa fruibilidade de sos servìtzios pùblicos e privados a cada livellu, mezorare sos raportos intre tzitadinu e istitutziones.
S'operadore traballat a custos obietivos cun frimesa e arribat a tènnere resurtados bonos gràtzias a su servìtziu de informatzione, de orientamentu e a sas maneras impreadas cun sos tzitadinos. Sos piessignos de su servìtziu sunt: professionalidade, grabu, calidade e promotzione de sas oportunidades presentes. S'atividade de s'operadore de isportellu punnat a cumprèndere cale sunt sos bisonzos e sas rechestas de s'utente, a dare respostas e a ddas trasmìtere a manera chi totus ddas potzant cumprèndere, a carrigare semper datos novos e a ddos fàghere ischire in manera zusta a s'utèntzia.
Sas informatziones benint dadas cun s'impreu de sa Banca datos Metropolis Web, mèdiu multimediale e de importu cumpostu dae bancas datos diferentes. B'at unu sistema ipertestuale e archìvios ragrupados pro àreas de interessu: Formatzione, Traballu, Éstero, Viazos e Fèrias, Informatzitadinu, Deretos de su tzitadinu, Cultura e Isport, Mobilidade Zovanile.
Sas informatziones sunt azornadas cada chida e dadas dae sos entes; sunt garantidas afidabilidade e cumpletesa. Bi sunt àteras informatziones chi benint dadas cun ''brochures'' comente pro sos bandos de cuncursu, sos elencos de sas ofertas de traballu locale, natzionale e èsteru, sa modulìstica e su materiale informativu de universidades e servìtzios Ersu, sa normativa de sa formatzione professionale, sas ischedas informativas e de aprofondimentu subra de s'imprenditoria zovanile e subra àteras leges de finantziamentu.
Su tzentru Informazòvanos-Informatzitadinu punnat a mezorare sa presèntzia in su territòriu garantende una rete de cullaboratziones cun entes, istitutziones e operadores vàrios pro pòdere dare a sos tzitadinos informatziones e orientamentu a manera de pòdere permìtere a totus de impreare cun fatzilidade sas resursas de diferentes setores de interessu: informatziones de traballu, istrutzione e formatzione permanente, mobilidade, tempus lìberu, solidariedade sotziale, deretos de su tzitadinu e àteru, chirchende de respòndere a sos bisonzos espressados dae totus sos tzitadinos.
Su servìtziu devet dare un'informatzione cumpleta e segura, una consulèntzia chi permitat issèperos lìberos e cussentziosos pro àere prus oportunidades; devet èssere capatzu de dare servìtzios subra sas diferentes àreas de interessu de sos zòvanos: dae sa formatzione iscolàsticu- professionale a sos deretos de su tzitadinu e de sa vida sotziale, dae sas maneras de chirca de traballu a s' orientamentu e a sa consulèntzia subra s'imprenditoria zovanile. S'obietivu prus importante est cussu de ''orientare'' non confunde●nde sa zente, comente capitat, cando sas novas arribant totus paris. Su traballu de s'operadore non punnat petzi a dare informatzione ma a orientare s'utente pro un'impreu bonu de su servìtziu, dende cara a su raportu personale cun s'utèntzia.

S'oràriu de abertura de s'isportellu est garantidu pro 11, 5 oras a sa chida partzidas gasi:
Sede de ABBASANTA
Carrela Matteoti 2
Tel 0785 52481
E-mail ig.abbasanta@tiscali.it
Abertu a su pùblicu
Martis 10:30 13:30
Mèrcuris 15:30 18:30
Zòbia 11:00 13:00
Chenàbura 15:30 18:30

Link de importu

Cuncursos
Traballu locale
Traballu natzionale

torna all'inizio del contenuto
torna all'inizio del contenuto