Vai a sottomenu e altri contenuti

Cuncursu a fumetos pro Antonio Gramsci

Su Comune de Ilartzi at cuncordadu su 1u cuncursu a fumetos

ANTONIO GRAMSCI

La vita e il pensiero

S'iscadèntzia de su cuncursu est a su 28 de freàrgiu 2017

Sa partetzipatzione a su cuncursu est aberta a autores a sa sola e a grupos de traballu; non si pagat nudda.

Ogni partetzipante podet presentare fintzas a 3 (tres) òperas; ognuna cheret presentada cun s'ischeda pròpia de partetzipatzione.

Ogni òpera, cun su nominativu e sos datos anagràficos de s'autore, posta a intro de unu plicu, pena s'esclusione, depet arribare a s'Ufìtziu Protocollu de su Comune de Ilartzi, non prus a tardu de su 28 de freàrgiu 2017. Pro s'ammissione a su cuncursu balet ebbia sa data de arribu de su plicu (cun racumandada postale o cunsigna a manos e non cussa de su timbru postale de ispeditzione. Su plicu depet èssere sigilladu a manera perfeta e cun s'iscrita in foras: ''Concorso per fumettisti: A. Gramsci: la vita e il pensiero''; a intro ddue cheret posta un'òpera ebbia, su mòdulu de iscritzione cumpiladu e còpia de su documentu de identidade de su partetzipante o de su rapresentante de su grupu.

Regulamentu de partetzipatzione

Art.1 - Argumentu de su cuncursu

Su Comune de Ilartzi bandit su cuncursu pro fumetistas ''Antonio Gramsci: la vita e il pensiero''.

Art.2 - Caraterìsticas de sas òperas

Su tema de rispetare est cussu de sos episòdios chi pertocant sa vida e sas ideas de s'intelletuale de importu mannu ilartzesu, impreende a manera lìbera su limbàgiu pròpiu de su fumetu.

S'òpera si podet fàghere cun cale si siat tècnica gràfica e pitòrica, sentza òbligos istilìsticos, autoconclusiva e cumpleta de leterizatzione, in fòllios de disegnu formadu A4 verticale (cm 21x29,7); cheret a su nessi de tres fòllios e a su prus de deghe.

Su fumetu podet èssere in limba sarda, italiana o inglesa.

A palas de ogni fòlliu (a segus in sa parte bianca), ddue cherent iscritos: su nùmene, sambenadu, indiritzu, nùmeru de telèfono e, in casu, s'indiritzu de posta eletrònica de s'autore o de sos autores .

Ogni traballu cheret acumpangiadu dae s'ischeda de iscritzione apòsita, chi si podet leare dae su situ istitutzionale, cumpilada a manera giusta cun sos datos personales de su cuncurrente.

S'òpera cheret inèdita e originale, pena s'esclusione dae su cuncursu. Si depent presentare ebbia sos fòllios originales, non s'atzetant fotocòpias e traballos mandados cun sa posta eletrònica. Sos fòllios non cherent pintzados o rilegados ca s'ant a pòdere impreare pro mustras o àteras initziativas collegadas a su cuncursu o àteras formas de divulgatzione de sas òperas. Sos partetzipantes garantint s'originalidade de su materiale presentadu.

Art.3 - Cunditziones e modalidades de partetzipatzione

Sa partetzipatzione a su cuncursu est aberta a autores a sa sola e a grupos de traballu e non si pagat nudda.

Pro sos traballos de grupu, in s'ischeda de iscritzione presentada dae su rapresentante de su grupu, ddue cherent postos sos nùmenes de totu sos chi apartenent a su grupu.

Pro sos partetzipantes minores de edade s'ischeda de iscritzione cheret firmada fintzas dae unu genitore o dae chie sostituit su genitore. No ant a èssere leadas in contu sas òperas presentadas sentza ischeda o sentza sas indicatziones de sas generalidades o de sos recàpitos.

Ogni partetzipante podet presentare fintzas prus de un'òpera ma non prus de 3 (tres), bastat chi ognuna tèngiat s'ischeda sua de partetzipatzione.

Ogni òpera, cun su nominativu e sos datos anagràficos de s'autore, pena s'esclusione, depet arribare a s'Ufìtziu Protocollu de su Comune de Ilartzi (Aristanis), no a pustis de su 28 de freàrgiu 2017. Pro s'ammissione a su cuncursu s'at a tènnere in contu ebbia sa data de arribu de su plicu (cun racumandada postale o cunsigna a manos) e non cussa de su timbru de ispeditzione de sa posta. Su plicu - cun a intro un'òpera ebbia, su mòdulu de iscritzione cumpiladu a manera giusta e sa còpia de su documentu de identidade vàlidu de su partetzipante o rapresentante de su grupu - depet èssere sigilladu a manera perfeta e in foras ddue cheret iscritu: ''Concorso per fumettisti: A. Gramsci: la vita e il pensiero''.

Art.4 - Giuria

Sas òperas in cuncursu ant a èssere valutadas dae una giuria apòsita, incarrigada dae s'Amministratzione comunale e fata pùblica, e su giudìtziu suo at a èssere definitivu.

Art.5 - Premiatzione

A s'òpera giudicada sa mègius s'at a dare unu prèmiu de € 500,00 (chimbighentos/00 èuros);

Su de duos prèmios at a èssere de € 250,00 (dughentoschimbanta/00 èuros) e su de tres de € 150,00 (chentuchimbanta/00 èuros).

Unu prèmiu ispetziale, chi at a èssere una tauledda gràfica, s'at a dare a su traballu prus significativu presentadu dae un'alunnu chi frecuentat s'Istitutu cumprensivu de Ilartzi.

S'èsitu de su cuncursu at a èssere publicadu in su situ istitutzionale de su Comune de Ilartzi www.comune.ghilarza.or.it. Sas premiatziones s'ant a fàghere in sas manifestatziones de acabbu de s'annu gramscianu in su beranu de su 2017.

Art.6 - Impreu de sas òpera

Sos traballos no ant a èssere torrados, ant a abarrare a su Comune de Ilartzi chi at a èssere su mere fintzas de sos diritos de sas òperas.

Sos partetzipantes a su cuncursu acunsentint de tratare e comunicare sos datos personales issoro in sos lìmites e in relatzione a su chi pertocat su cuncursu (D.Lgs. 196/2003) e nche leant a s'ente organizadore ogni responsabilidade pro cale si siat chistione chi diat pòdere nàschere foras dae sa voluntade de s'organizatzione e/o de importu, comente dannos a sas òperas, si ddas furant o si perdent.

Sos autores dant su diritu de impreare sas òperas issoro pro publicatziones, manifestos, mustras e cale si siat àtera forma utilosa pro promòvere e valorizare su cuncursu, sa figura de Antonio Gramsci, sa bidda de Ilartzi. S'Amministratzione Comunale si leat s'impinnu de indicare semper chi est s'autore.

Art.7 - Aprovatzione de sas normas de su regulamentu

Pro partetzipare a su cuncursu si depent atzetare a manera assoluta totu sas normas chi bi sunt in custu regulamentu. Totu sas comunicatziones chi pertocant sa manifestatzione ant a èssere publicadas in su situ istitutzionale de su Comune de Ilartzi www.comune.Ilartzi.or.it

Cale si siat informatzione podet èssere pedida tràmite posta eletrònica ebbia a s'indiritzu: info@comune.Ilartzi.or.it

torna all'inizio del contenuto
torna all'inizio del contenuto