Vai a sottomenu e altri contenuti

Laboratòriu de musicoterapia

COMUNE DE NORGHIDDO

SERVÌTZIU SOTZIALE

Paris cun s'esperta in Musicoterapia Maria Cristina Piras

Cuncordat unu laboratòriu de Musicoterapia destinadu a professionistas de su sotziale chi òperant in su territòriu de s'Unione de sos Comunes de su Guilcer chi depent intervènnere pro sos patzientes cun dificultades in sas relatziones e emotivas e/o cun degeneratzione cognitiva (a su prus podent partetzipare in 30).

Su laboratòriu s'at a fàghere in sa Biblioteca de su Comune de Norghiddo in custas dies:

- s'8 de austu 2016 in custu oràriu 9.30/13.00 15.00/19.00

- su 9 de austu 2016 in custu oràriu 9.30/13.00.

Est posta in contu una cumpartetzipatzione de 10,00 € a càrrigu de sos iscritos de pagare cando si faghet s'iscritzione cun su bulletinu postale n° 16489098 intestadu a su Comune de Norghiddo-Servìtziu de Tesoreria, ponende in sa causale ''cuota de partetzipatzione laboratòriu de musicoterapia''.

At a èssere a incuru de s'organizatzione avèrtere, cun sa posta eletrònica o messàgiu a su telèfono, de s'èsitu bonu de s'iscritzione e ca s'iscritzione est istada atzetada.

S'08 de austu sos partetzipantes si depent presentare in sa sede de su seminàriu cun unu documentu de identidade vàlidu.

Est proibidu a fàghere fotografias, registratziones àudio e vìdeu. Sos chi sunt interessados a retzire informatziones o dispensas de sos argumentos tratados in su su seminàriu, ant a pòdere iscrìere in deretura a custu indiritzu: cristina@terapiamusicale.eu

Pro informatziones e iscritziones:

Ufìtziu de Servìtziu Sotziale Comunale: tel 0785 519928 posta eletrònica: servsoc.norbello@tiscali.it

Situ istitutzionale de su Comune de Norghiddo www.comune.norbello.or.it

Esperta Maria Cristina Piras: cristina@terapiamusicale.eu

Sa mùsica est unu limbàgiu universale chi

donat benèssere e serenidade

fintzas in su disàgiu e in sa suferèntzia

torna all'inizio del contenuto
torna all'inizio del contenuto