AVISU PÙBLICU

LEGE N. 162/98

PIANOS PERSONALIZADOS DE SUSTEGNU A FAVORE DE PERSONES CUN INVALIDIDADE GRAVE - PERÌODU DAE SU 1 DE SANTUGAINE A SU 31 DE NADALE 2016.

SU RESPONSÀBILE DE SU SETORE

in atuatzione a sa D.G.R. 38/13 de su 28/06/2016

COMÙNICAT

a sos tzitadinos interessados ca in su Comune podent èssere presentadas sas domandas pro s'ativatzione de sos pianos noos personalizados in agiudu de persones cun invalididade grave cunforme a sa lege 162/98 cun decurrèntzia dae su 1° de santugaine 2016 fintzas a su 31 de nadale 2016.

Sos pianos cuncordados cun sa collaboratzione de sas famìlias e de su dotore/pediatra de base podent pònnere in contu: servìtziu educativu; assistèntzia personale o domitziliare;

ospitalidade in sos tzentros diurnos autorizados; permanèntzia pro non prus de 30 dies in un'annu in istruturas autorizadas, paghende ebbia sa cuota sotziale;

atividades isportivas e/o de sotzializatzione.

Paris cun sas domandas tocat a presentare custa documentatzione:

• Tzertificatzione de disabilidade grave (comma 3, art. 3 L. 104/92) chi si teniat giai a sa data de su 31.12.2015;
• Allegadu B, ischeda salude cumpilada comente si depet dae su dotore de famìllia o dae su pediatra de sèberu lìberu e/o dae àteru dotore de s'istrutura pùblica chi tenet in càrrigu su malàidu;
• Allegadu D, decraratzione sostitutiva de s'atu de notoriedade;
• Atestatzione ISEE Sòtziu sanitàriu cunforme a sa Lege n.89 de su 26 de Maju 2016 art 2 sexies e de su Decretu interministeriale n.146 de su 01/06/2016;

Sas domandas cumpletas cun totu sos allegados si depent presentare a s'ufìtziu Servìtzios Sotziales o a s'ufìtziu Protocollu de su Comune de Norghiddo, sentza possibilidade de pròroga, a intro de su 06.09.16. Sos mòdulos sunt a disponimentu in sos ufìtzios de sos Servìtzios Sotziales, protocollu e in su situ www.comune.norbello.or.it

Pro informatziones pedire a su Servìtziu Sotziale in s'oràriu de abertura pro su pùblicu o a su Responsàbile de su Setore Rag. Francesco Schirra.

( 0785 519928 - 519927 - 519920.

Norghiddo, 21.07.2016

S'Assistente Sotziale Su Responsàbile de su Setore I

F.to Dr.ssa Anna Morittu F.to Rag Francesco Schirra