Vai a sottomenu e altri contenuti

Est tempus de pulire ortos e giardinos

Su Sìndigu de Norghiddo, dot. Matteo Manca, at fatu un'ordinàntzia pro fàghere pulire sas àreas privadas postas in su territòriu comunale.

Cunsideradu ca in su territòriu comunale ddu at giardinos, ortos e giassos abbandonados e prenos de erba e de orrù, de materiale de fuliare, animales mortos, materiale pùdidu e abba apaulada chi faghent acudire bobbois e sòrighes;

Cunsideradu ca custa situatzione est perigulosa pro s'igiene pùblica e no est una cunditzione urbana bona;

Cunsideradu ca isboidare s'abba e assutare cale si siat istèrgiu, comente sos botos de s'àliga e sos pratos chi si ponent suta sos testos de sos frores e fàghere una disinfestatzione periòdica est s'istrategia prus profetosa pro sa preventzione de maladias diferentes e pro ispèrdere sa tzìntzula perigulosa pro s'infetzione de su virus de su Nilo otzidentale;

Cunsiderada sa netzessidade e s'urgèntzia, pro sa tutela de s'igiene pùblica e de sa cunditzione urbana bona, si òbligant sos responsàbiles, a cale si siat tìtulu, de sas àreas birdes privadas in su Comune de Norghiddo, a:

  1. mantènnere in òrdine sa vegetatzione e a segare s'erba arta;
  2. fàghere, a manera regulare, interventos de disinfestatzione dae sòrighes e bobbois in totu sas fases de sa crèschida issoro;
  3. pro chi non bi siant bermes, non si lasset abba pro prus dies in sos istèrgios de domo o de giardinu o in sos pratos chi si ponent suta de sos testos de sos frores;
  4. ammuntare cun telos impermeàbiles o covecos sos ogetos e istèrgios in ue podet abarrare s'abba cando proet;
  5. non lassare in giru botos, istèrgios, ogetos e materiales de genia diferente (comente bidones, cobertones de automòbiles) chi si podent prènere o in ue podet abarrare abba cando proet;

A intro de su 15 de làmpadas 2016, sos meres e/o sos chi impreant - in cale si siat modu - custas àreas, depent fàghere - a manera periòdica e totu sas bortas chi est netzessàriu - sas operatziones indicadas in s'ordinàntzia n. 16 de su 23 de maju 2016 .

Sos meres e sos chi impreant sos terrinos ant a èssere cunsiderados responsàbiles de sos dannos causados dae su pagu cabu issoro o pro no àere osservadu s'ordinàntzia.

torna all'inizio del contenuto
torna all'inizio del contenuto