Vai a sottomenu e altri contenuti

Atentzione a su fogu!

ATENTZIONE A SU FOGU!

Chie si siat biat fogu ddu depet nàrrere - a manera chi si potzat organizare su traballu pro ddu istudare - telefonende a unu de custos nùmeros

  • 1515 Corpus forestale e de vigilàntzia ambientale (CFVA)
  • 115 Vìgiles de su fogu (VVF)
  • 113 Politzia de s'Istadu
  • 112 Carabineris

Chie si siat tèngiat informatziones utilosas pro connòschere su responsàbile de unu fogu est tentu a ddu fàghere ischire a sas matessi utèntzias telefònicas. 1 1

Dae su 1° de trìulas a su 31 de santugaine, cunsideradu ''su perìgulu mannu de sos fogos'', in logu abertu est proibidu:

  • fàghere fogu o cale si siat cosa perigulosa pro fàghere iscapare su fogu;
  • ghetare dae sos mezos o lassare in su terrinu luminos, zigarros o sigaretas e cale si siat àtera genia de materiale allumadu o chi siat bràsia o semper e cando perigulosa pro fàghere iscapare o caminare su fogu;
  • firmare sos automezos cun sa marmita catalìtica chi tochet s'erba sica, materiale vegetale sicu o materiale chi s'allumat e brùsiat pro su calore meda. 2 2

Cando su fogu est tenende:

  • non ti pòngias a dd'istudare si non ses seguru chi ddue siat unu giassu dae in ue ti nche fuire, abarra palas a bentu e istuda sa pampa cun naes birdes;
  • no abarres firmu in ue ddu est su fogu o in giassos in ue est andende su fogu o su fumu;
  • non passes in ue ddu at fumu meda o pampas;
  • no abarres firmu in su caminu e in s'istrada;
  • non ti pòngias in fila a palas de àteras màchinas e cando est possìbile torra in dae segus;
  • agiuda s'interventu de sos mezos de sucursu, lassa lìbera s'istrada e non istorbes cun sa vetura tua;
  • indica a sas iscuadras antincèndiu s'istrada o su caminu in ue passare;
  • pone a disponimentu abba e ainas.

Cando ddu at minetza de fogu:

  • chirca su giassu in ue passare seguru dae sa pampa de su fogu: un'istrada, unu riu de abba e abarra in unu giassu giai brusiadu o in ue non b'at cosa chi brùsiet;
  • si ses in mare est mègius chi intres a s'abba: est su logu prus seguru;
  • sinnala ca ddue ses e in ue ses;
  • istèsia dae su fogu bòmbolas de gas e bidones de materiales chi pigant fogu;
  • non ti nche andes dae una domo o àteru fàbricu si non ses seguru a in ue andare;
  • istuda s'impiantu elètricu dae s'interrutore generale;
  • sigilla ghennas e ventanas cun paperi adesivu e roba isciusta;
  • prepara abba in provista e pannos isciustos; si podes, abarra in sos aposentos prus a intro de su fàbricu e mantene unu pannu isciustu a in antis de sa buca e de su nasu. 3 3

Mancari autorizados e pro sas atividades chi non abisòngiant de autorizatzione ma chi podent èssere perigulosas pro ischintidda o pampa:

  • non brùsies si ddu at bentu chi fatzat mòvere de sighidu sas fògias e sos cambos lèbios e sas banderas piticas;
  • si ses istadu autorizadu, a pustis de àere brusiadu, prima de ti nche andare, depes assegurare sa bonìfica cumpleta de su logu;
  • depes pulire su terrinu acanta e ti depes cuerrare dae su bentu;
  • tene a disponimentu abba in provista adeguada;
  • istuda bene su fogu prima de ti nche andare;
  • abarra istesiadu a manera bastante dae matas, molas e fenu. 4 4

Dae sas Prescritziones regionales contra de sos fogos - Agiornamentu 2016.

Regione Autònoma de Sardigna

torna all'inizio del contenuto
torna all'inizio del contenuto